Бундан бир мунча вақт илгари Ўзбекистонда хизмат кўрсатган артист Мавлуда Асалхўжаеванинг «Олма-анор» номли қўшиғи тожикистонлик хонанда Шабнам Сурайёнинг «Ашки чашмон» қўшиғидан ўғирлангани ҳақида гап-сўзлар тарқалган эди.
 

 "Celebrities" журнали бу ҳолатга аниқлик киритиш мақсадида тожикистонлик таниқли продюсер Беҳруз Зеваровга мурожаат қилди. Журналнинг «Мавлуда Асалхўжаева Шабнам Сурайё қўшиғини куйлаш учун рухсат олганми?» деган саволига продюсер шундай жавоб берган: – Йўқ, ўзбекистонлик хонандага ҳеч қандай рухсат берилган эмас. Асли «Наравад» деб аталувчи бу қўшиқ Шабнам Сурайёнинг «Хаёли сабз» альбоми учун ёзилган. Қўшиқ муаллифи – Фарҳоди Милод, аранжировкаси Роберт Мирзоянга тегишли. Хуллас, тожикистонлик продюсер хонандамизни плагиатда айлаяпти. Асалхўжаеванинг ўзи эса «Олма-анор»ни телеканалларда «айлантириш» билан банд.